熱身賽：爭勝戰意不足葡萄牙勒
住踢裝兇作細_東方日報

葡萄牙出戰世界盃決賽周前，最後1場熱身賽主場對尼日利亞，預料會留有一手，以免好似德國、巴西、荷蘭等勁旅出現傷兵退隊問題，尤其係上場熱身賽對智利，發生暴力衝突事件，今仗更加會小心控制情緒，點到即止。參考葡萄牙近5場有4場總入球開3球或以下，最好博中位數3.5球嘅入球細。(Now 630周四凌晨3時45分直播)文:Mic少

葡萄牙首場世盃分組賽遇上剛果民主共和國，針對性搵另1支非洲球隊尼日利亞踢熱身賽，具有重要演練價值，應會採取認真態度比賽，但最重要都係避免球員受傷，特別係首席射手C朗已經41歲，必須適當分配體力，踢熱身賽肯定唔會搏盡，上場對智利，C朗等多位球員踢完上半場就休息。

尼日利亞等放假費事搏
此外，另1位葡萄牙翼鋒拉菲爾利亞奧上仗同對手暴力衝突，被趕出場，吸取教訓後，相信領隊馬天尼斯會特別要求球員控制情緒，保持冷靜，今場應會放慢比賽節奏，減低緊張氣氛。至於尼日利亞冇份參加今屆世界盃決賽周，球員抱住輕鬆心情比賽，爭勝戰意不足。加上踢完今場之後，就可以抖暑休息，或者已經出現「放假心態」無心戀戰。既然兩隊都唔想搏，預料入波唔會多。