踢法進取尼夫治半大有伊據_東
方日報

亞冠盃Ｂ組第3輪賽事，烏茲別克冠軍尼夫治，主場迎戰沙特豪門伊蒂哈德。尼夫治近年極速冒起，上年成功重奪聯賽冠軍，相隔19年後再戰亞冠盃，球隊踢法進取，今場迎戰求勝心切嘅伊蒂哈德，預料雙方都會主動出擊，1.5球嘅半場大值得一博。（HOY76周一晚9時45分直播）文:工廠仔

伊蒂哈德人腳勁必鬥攻
尼夫治上年贏得烏茲別克聯賽冠軍，今季同柏克塔哥冠軍爭逐依然激烈，烏茲別克聯賽已進入最後直路，球員狀態處於最高峰。尼夫治踢法主攻，入球數字冠絕烏茲別克，主場出擊尤其進取，近4場主場賽事，有3次半場總入球開2球或以上。

伊蒂哈德陣容星光熠熠，不過喺亞冠盃開局唔順，頭兩場賽事只得1分，為盡快搶分向上爬，今場作客亦會先發制人。伊蒂哈德擁有貝雲積、安尼斯利等星級前鋒，入球能力有保證，今場勢必同尼夫治鬥攻，好大機會早開紀錄，一於追半場大。

同日亞冠盃，阿聯酋勁旅艾阿恩迎戰泰拉克托。艾阿恩喺頭兩輪都大勝而回，先4比0炒艾納斯、再以4比1大破空軍體育會，火力十足；而且艾阿恩近4場主場賽事，總入球全開4球或以上，推介入球大。